نهێنیەك لەسەر هاوسەرگیری "مهناز ئەفشار" ئاشكرا دەبێت

نهێنیەك لەسەر هاوسەرگیری "مهناز ئەفشار" ئاشكرا دەبێت


خەڵك – چۆمان ئازاد 

خانمە سینەماكاری ناوداری ئیرانی بەهۆی ئەوەی لە بنەماڵەیەكی مەزهەبی بووە، خانەوادەكەی ڕێگربوون لەوەی كچەكەیان ژیانی هونەری هەڵبژێرێت، بۆیە لە پێشدا ڕێگربوون، بەڵام دواتر ئەو خانمە بووە ئەستێرەیەكی بەناوبانگی سینەمای ئیران.

مهناز ئەفشار ؛خانمە شۆخ و شەنگ و سینەماكاری ناوداری ئیرانی؛ لە ڕۆژی 11/6/1979  تەمەن (37) ساڵ لە تارانی پایتەخت لەدایكبووە، هەڵگری بڕوانامەی دبلۆمە لە زانست- دا و بۆ درێژە دابە بوارەكەی چوار ساڵ لە ناوەندە ئەهلیەكان درێژەی بە خوێندن داوە، لەگەڵ گروپی تەلەفزیونی (گومشدە) لە ساڵی 1999 و هەروەها  بە بەشداری لە فلیمی سینەمایی (دوستان) لە هەمان ساڵ  و فلیمی سینەمایی (شور عشق) لە ساڵی 2001 ناوبانگی پەیدا كرد،  پێشتر لە كاری نواندندا لە سینەما ئەهلیەكانەوە دەستی پێكردوە.
 
مهناز بەفشار بەهۆی جوانی ڕوخساریەوە بە "مهناز گوگوش" لەلایەن هەوادارانیەوە دەیچوێنن بەوەی زۆر لەو هونەرمەندە گۆرانیبێژە دەچێت، لەكاری هونەری خۆیدا زۆر هەوڵی دا تا گەیشتە ئەوەی لە ئێستادا ببێتە خاوەنی چەندین خەڵات لە بوارەكەی خوێدا.

خانمە شۆخ و شەنگ و سینەماكاری ناوداری ئیرانی وەك خۆی دەڵێت: "ئەگەر نەبومایە سینەماكار ئەوا زۆر نزیك بوو لەوەی ببمە شۆفێری بارهەڵگرە گەورەكان (كۆنتێنەر)، چونكە من زۆر حەزم لە كارە سەختەكانە و ئارەزویان دەكەم".

هاوسەرگیری 

لە 21/3/2014 لەگەڵ پیاوێك بەناوی محەمەد یاسین ڕامین ژیانی هاوسەری پێكهێنا، كە هاوسەرەكەی كوڕی كاربەدەستێكی باڵای كابینەی دووەمی حكومەتەكەی محمود ئەحمەدی نەژاد بووە، كە پلەی بڕیكاری چاپەمەنیەكانی وەزیری فەرهەنگ و ئیرشاداتی ئیسلامی بووە، ئەوەی جێگەی سەرسورمانە گرێبەستی پێكهێنانی هاوسەرگیریەكیان لە سەر دەستی محەمەد خاتەمی ؛سەرۆك كۆماری پێشوی ئیران؛ بووە.

لە ئێستادا مهناز ئەفشار بۆتە دایك و خاوەنی منداڵێكی كچە بەناوی (لیا)، كە پێشبی دەكرێت، ناوی كچەكەی لە زنجیرە درامای یوسف پێغەمبەرەوە وەرگرتبێت.


 














ئه‌م بابه‌ته 5479 جار خوێنراوه‌ته‌وه‌‌

PM:08:26:19/03/2016