زیره‌كی چه‌ندین جۆری هه‌یه‌، بزانه‌ تۆ له‌ كامیانیت؟

زیره‌كی چه‌ندین جۆری هه‌یه‌، بزانه‌ تۆ له‌ كامیانیت؟

خێزان

زیرەكی و شێوازەكانی زیرەكی جۆراوجۆرن، واتە كەسێك ڕەنگە لە بوارێكی ژیاندا زیرەك بێت و لە بوارێكی دیكەدا نا، كە ئەوەش شتێكی ئاسایی و سروشتی ژیانە، ئەمانەی خوارەوە بەشێكە لە دیارترین جۆرەكانی زیرەكی، بزانە تۆ لە كامیانیت:

زیرەكی وێژەی: خاوەنی ئەم جۆرە زیرەكیانە توانایەكی باشیان لە خوێندنەوەو دەربڕینی ئەو قسانەدا هەیە  كە دەیانەوێت بیڵێن، زۆر كاتیش دەتوانن ببنە نوسەر یاخود شاعیر یان رۆژنامەنوسێكی باش.

زیرەكی لۆژیكی: ئەم جۆرە لە زیرەكی توانایەكی باشی لە مامەڵەكردن لەگەڵ ژمارەكاندا هەیە، دەشتوانێت بە ئاسانی هاوكێشە بیركاریەكان شیكار بكات، زۆرجار دەبنە مامۆستای بیركاری یاخود پسپۆڕی ئابوری.

زیرەكی بینین: ئەم كەسانە توانایەكی باشیان لە وێنەكێشان و دیزاین و بەكارهێنانی ڕەنگەكاندا هەیە، زۆرێكیان دەبنە هونەرمەندی شێوەكار یاخود دیزاینەر یاخود ئەندازیاری دیكۆر.

زیرەكی كۆمەڵایەتی: ئەم جۆرە لە زیرەكی لە رێگەی تێگەیشتن لە كەسانی دەوروبەر و مامەڵەكردن لەگەڵیاندا دێتە دی، توانایەكی باشیان لەگەڵ مامەڵەكردن لەگەڵ دەوروبەرەكانیاندا هەیە و لە بواری كۆمەڵایەتی و سیاسی یاخود پەیوەندیە گشتیەكاندا كاردەكەن.

زیرەكی هەستی: ئەم جۆرە كەسانە توانای خوێندنەوەی كەسەكانی دەوروبەریان هەیەو  لە هەست و كاردانەوەكان تێدەگەن، توانای ڕامان و سەرنجدانیان هەیە، ئەم كەسانە زۆرجار دەبنە بیرمەند یاخود زانای دەرونناسی.

زیره‌كی موزیك: ئه‌م جۆره‌ له‌ زیره‌كی توانایه‌كی باشیان له‌ جیاكردنه‌وه‌ی ده‌نگه‌كان و موزیكدا هه‌یه‌و توانای داهێنانیان له‌ موزیك و ئاوازدا هه‌یه‌ و له‌و بوارانه‌شدا كارده‌كه‌ن كه‌ په‌یوه‌سته‌ به‌ هونه‌ر و ده‌نگ و مۆسیقاوه‌.

زیره‌كی پیشه‌ی: ئه‌م جۆره‌ كه‌سانه‌ كه‌م قسه‌ ده‌كه‌ن، به‌ڵام له‌ به‌كارهێنانی ئامێر و كه‌ره‌سته‌ پیشه‌یه‌كاندا شاره‌زان و زوو فێریان ده‌بن و وه‌ك وه‌ستای ئامێر و به‌رهه‌مهێنه‌ری ئامێره‌كان كارده‌كه‌ن. 

ئه‌م بابه‌ته 8385 جار خوێنراوه‌ته‌وه‌‌

PM:07:07:24/01/2016