10 نهێنی له‌ باره‌ی "جاكی شان"ه‌وه‌

10 نهێنی له‌ باره‌ی "جاكی شان"ه‌وه‌

خێزان

شان كونغ سانغ، ناوی تەواوی ئەكتەری دیاری فیلمە ئەكشنەكان، جاكی شانە، كە لە 7/4/ 1954 لە دایك بووە، لێرەدا بە 10 لایەنی شاراوەی ئەو ئەكتەرە دیارە دەخەینەڕوو.

1- لە منداڵیدا بە هۆی چوست و چالاكی و وریاییەكەی نازناوی باوباو یان لێناوە، كە ئەو دەستەواژەیە، لای چینییەكان ئاماژەیە  بۆ بەهێزی  و گورج و گۆڵی.

2- باوكی جاكی شان، خاوەنی دوو ژن بووە و جاكی منداڵی پێنجەمی خێزانەكە بووە بە هۆی یاسایی رێگری لە منداڵ بوون لەو وڵاتە هەوڵی فرۆشتنی دراوە .

3- شان، لە یەكەم ساڵی خوێندنی دا، دەرناچێت، بەڵام دواتر و پاش پەیوەندیكردنی بە ئەكادیمیای درامای چین، خۆی لە هونەرەكانی جەنگ و بەرگری و پاڵەوانێتییە پر سەركێشییەكاندا دەبینێتەوە و لە 10 یەكەمەكانی ئەو ئەكادیمیایە دەبێت.

4- لە تەمەنی 5 ساڵیدا لە كارێكی سینەمایدا دەردەكەوێت، ئەویش یەكێك لە فیلمەكانی بروسلی بووە و دواتریش وەك كۆمبارس لە چەندكین بەرهەمی ئەو هونەرمەندە دەركەوتووە ، جاكی بروسلی بە بێ‌ هاوتا ناو دەبات و دەڵێت ئەو نمونەی نابێتەوە .

5- ساڵی 1978 دەبێتە ساڵی بەختی جاكی شان، ئەویش پاش ئەوەی یەكێك لە بەرهەمەكانی سلڤر ستالۆن لە هۆلیوود ڕەت دەكرێتەوە، بۆ پڕكردنەوەی بواری ئەكشن، بەرهەمەكەی جاكی شان وەردەگیرێت و نمایش دەكرێت.

6- جاكی شان دووجار ناوی چۆتە نێو كتێبی پێوانەیی (گینس)،  ئەویش جارێك بەهۆی ئەو نواندن و جوڵە پڕ سەركێشیانەی كە لە فیلمەكاندا بەرجەستەیان دەكات، جاری كۆتایش توانیویەتی تەنیا خۆی كاری (نواندن، دەرهێنان، وێنەگرتن، دانانی ئاوازی گۆرانی  بۆ فیلم) ئەنجام بدات.

7- جاكی شان تەنیا هونەرمەندی بواری نواندن نییە، بەڵكوو  یەكێك لە گۆرانیبێژە دیارەكانی وڵاتەكەیەتی و خاوەنی 20 ئەلبومە بە 7 زمانی جیاواز، هاوكات توانای نوسین و دانانی ئاوازیشی هەیە.

8- جاكی شان لە فیلمێكیدا 3 جار لە سەر یەك توشی شكانی لوتی دەبێت، بەڵام هەر بەردەوام دەبێت لە وێنەگرتنی بەرهەمەكەی و تەنانەت لە یەكێك لە دیمەنەكاندا كە نواندن بەرجەستە دەكات دۆخی دەگاتە باری نزیك بوونەوە لە مەرگ .

9- جاكی شان لە گەڵ هونەمەندێكی تایوانی بەناوی لین ڤینج  ژیانی هاوسەری پێكهێناوە و خاوەنی كوڕێكن بە ناوی جایسی، كە ئەویش كاری نواندن و گۆرانیبێژی دەكات.

10- شان جیا لە بوونی چەندین زنجیرە رێستۆرانت، خاوەنی 130 ملیۆن دۆلاری ئەمریكییە، كوڕەكەشی لەو سامانە بێ‌ بەری كردووە و دەڵێت پێویستە ئەویش وەك من دەست پێ بكات ، جاكی ئەو سامانەی خستۆتە خزمەتی ڕێكخراوێكی خێرخوازی و هاوكاری كەسانی بە تەمەن و زیان بەركەوتووانی كارەساتە سروشتیەكان و ئەو گەنجانه‌ی كە داهاتیان كه‌مه‌و دەیانەوێت بخوێنن.

ئه‌م بابه‌ته 4297 جار خوێنراوه‌ته‌وه‌‌

PM:03:11:22/11/2015