یانەكانی سلێمانی تكایە !!! بەزەیتان بەناوی سلێمانی و بەهاندەر و تۆپێی شارەكەدا بێتەوە
    
یانەكانی سلێمانی تكایە !!! بەزەیتان بەناوی سلێمانی و بەهاندەر و تۆپێی شارەكەدا بێتەوە
بەرهەم جەلال

سلێمانی ئەوە ناوەی  تەنها دانیشتوانەكەی شانازی پێوە ناكەن بەڵكو تێكڕای كوردستان جیاواز لەم ناوە دەڕوانێت لەڕووی گرنگی قورسایی  ئەم ناوە ، لای هەموان ئاشكرایە پێشی دەوترێ [پایتەختی ڕۆشنبیری - شاری هەڵمەت و قووربانی - یاخوود شارە حەیاتەكە - هتد ] سلێمانی دایكی ... نالی - سالم - كوردی - بێخوود - مەحویە  ... لەسەرجەم بوارەكانی { ئاینی - كۆمەڵاتی - سیاسی - ئابووری - زانستی - كلتوری }سەرمەشقی هەمووان بووە ، بەڵام ئەوەی جێگای سەرنجە شارێك لەم ئاستەدا بێت ئاوەها ناوبانگی هەبێت جێگای داخە ساڵ بۆ ساڵ وەرزشی تۆپی پێی لەو پەڕی لاوازیدا بێت ، زۆر بەڕاشكاوی تێكڕا تێدا بەشدارین بە بەرپرس و یانە و یاریزانەكان و ڕاگەیاندن هەر لایەنە و بەپێی قورسی خۆی پشكی بەردەكەوێت، ئەوەی زیاتر قۆڵی هەمووانی كووتاوە بەهیچ جۆرێك ئایندەی ڕوون و گەش نابینی لەداهاتوودا.

گرنگترین ئەو هۆكارانەی بوونەتە هۆی ئیفلیجی تۆپی پێ لە شارەكەدا بریتین لە : 
نەبوونی ستراتیجیەتی نێوان خوودی یانەكان ... یانەكانی سلێمانی ئەوەندی بۆ گیانی یەكتر ئازان نیو ئەوەندە بۆ گیانی یانەكانی دەرەوەی سلێمانی ئازا نین لێرەدا بەهیچ جۆرێك مەبەستم لەپێدانی ئەنجامی یاری نییە بەیەكتر بەڵام شتێكی زۆر باو هەیە بەگشتی لەتۆپی پێی جیهانیشدا ئەویش ئەوەیە كاتێك دوو یانەی یەك شاری ڕوبەڕوی یەكتر دەبنەوە لایەكیان پێویستی بەیاریەكە هەیە لایەكەی نایپرووكێنێت 
شاری سلێمانی فرەحیزبییە : بەو پێیەی گۆمەڵگای كوردستان گۆمەڵگایەكی سیاسیە ، بۆیە سیاسەت سەرجەم جوومگەكانی گرتووە بەداخەوە تۆپی پێش بەدەر نییە لە سیاسەت زۆربەڕوونی دەبینین هەر یانە و سەر بەلایەنێكە ئەمەش كاریگەری تەواو نێگەتیفی لەسەر تۆپی پێ بەگشتی دروستكردووە بۆ نموونە دابینكردنی لایەنی مادی بۆ یانەكان وەك نییە هەر یانەیەك بەرپرسی زیاتری لەپێشت بێت زیاتر لەڕووی داراییەوە بەهێزتر دەبێت ، یاخوود واژۆكردنی گرێبەست لەگەڵ ڕاهێنەر و یاریزاندا بێ هیچ دوو دڵیەك لەسلێمانیدا تەزكییەی حزبی پێش توانایی ڕاهێنەر و یاریزان كەوتووە.

نەبوونی دڵسۆزی یانە بۆ ڕاهێنەر و یاریزان وە بەپیچەوانەشەوە : ئەم خاڵە دوو لایەنەیە واتا هەر دوو لایەن بەرپرسن چوونكە كاتێك ڕاهێنەر یان یاریزانێك ڕوو دەكاتە یانەیەك بەهیچ جۆرێك نیو هێندەی ئەوانە دڵسۆز نابن كە پێیان دەوترێ كووڕی یانە ، پێویستە هەر چووە زووە یانەكانی سلێمانی فێرگەی تایبەت بەخۆیان هەبێت بۆ پێگەیاندنی یاریزان هەڵبەتە ئەمیش زۆرگرنگە دووربن لە خزم خزمێنە بۆ ئەوەی یاریزان لەسەر خوودی توانای خۆی پی بگات.

پێدانی متمانە تەواو بەیاریزان و ڕاهێنەر شارەكە : هەبوو یاریزانی پیشەگەر یان بیانی لەهەر یانەیەكدا شتێكی تەواو سروشتیە لەتۆپی پێدا لەسەرتاسەری جیهاندا بەڵام ئەوەی ناسروشتی دەكات توانای یاریزانی خۆت بگوژیت لەپێناو یاریزانی بیانیدا كەهیچ باكی پێت نییە زۆر ئاساییە بەلایەوە دوای گەێبەستەكەی یانەكە جێدەهێڵێت وە نەباشی دیوە نە بۆران  نموونەی زۆر دیار و ئاشكراش هەیە 
لایەنی تاكتیك و هونەری یانەكانی سلێمانی : بەگشتی سەرجەم یانەكانی كوردستان لەم خاڵەدا هەژارن بەڵام یانەكانی سلێمانی تەواو وێرانن لەكاتێكدا دەبوو بەپێچەوانەوە یانەكانی سلێمانی باشترین. ئاستیان.هەبوایە لەم خاڵەدا چوونكە باشترینی ڕۆژنامەنووس و ڕاگەیاندن هەروەها خول پاڵەوانتێی دەكەوێتە ئەم شارەوە بەبەراورد بەشارەكانی دیكە.

ئەمانەی لەسەرە ئاماژەم بۆ كرد پێویست بوو چەند وەرزێك كاری تەواو جدی بۆ بكرێت بەڵام وەك چۆن ووتویانە ئێستاش نەچووە بچێت دەتوانین پێكەوە ئەم بارە لارەی تۆپی ڕاست بكەینەوە بۆ ئەوە وەرزەكانی داهاتوو یانەكانی سلێمانی بتوانن نازناوی خولی كوردستان بهێنە ناو باوەشی شارەكەی بابان هاندەرانش تونیان بشكێت لەم هەموو چاوەروانیەدا ئەم خاڵانەش پێویستی بەهەنگاوی كرداریە زۆر بەڕاشكاوی گەر بێت بەرپرسان. ئاوڕی جدی لێنەدەنەوە ئەبێت هەتا ماوون گۆرانی بەو لەیلێیەوە بڵێن كەیانەكانی سلێمانی دەتوانن نازناو بەدەست بهێنن

ئه‌م بابه‌ته 400 جار خوێنراوه‌ته‌وه‌‌
PM:08:40:05/03/2016
Copyright 2015. xelk.org. All Rights Reserved.
Created by:kurdsky.com