گواردیۆلا یاریزانێکی بایرن له‌گه‌ڵ خۆی ده‌باته‌ مانچسته‌ر سیتی

گواردیۆلا یاریزانێکی بایرن له‌گه‌ڵ خۆی ده‌باته‌ مانچسته‌ر سیتی


خه‌ڵک

گواردیۆلا له‌سه‌ره‌تای وه‌رزی داهاتوه‌وه‌ ده‌بێته‌ ڕاهێنه‌ری یانه‌ی مانچسته‌ر سیتی و بڕیاریداوه‌ ته‌نها یه‌ک یاریزانی یانه‌ی بایرن میونشن له‌گه‌ڵ خۆی بباته‌ یانه‌ نوێیه‌که‌ی.

ڕۆژنامه‌ی "زه‌ گاردیان"ی به‌ریتانی له‌زاری چه‌ندین سه‌رچاوه‌ی نزیکی گواردیۆلاوه‌ ئاشکرای کردووه‌، فه‌یله‌سوفه‌ که‌ته‌لۆنییه‌که‌ داوای له‌ ئیداره‌ی یانه‌ی مانچسته‌ر سیتی کردووه‌، به‌هه‌ر نرخێک بێت له‌گواستنه‌وه‌کانی هاوینه‌ی داهاتودا تیاگۆ ئالکانتارای بۆ دابین بکه‌ن، زۆریش له‌سه‌ر داواکه‌ی سور بووه‌و وه‌ک یه‌که‌مین داواکاری به‌ ئیداره‌که‌ی شێخ مه‌نسوری ڕاگه‌یاندووه‌.

ئالکانتارا له‌ڕیزه‌کانی به‌رشلۆنه‌ و بایرن میونشن له‌ژیر ده‌ستی گواردیۆلا وه‌ک ڕێکخه‌ری هێڵ و گه‌یه‌نه‌ری فیکره‌کانی ڕاهێنه‌ر له‌ناو یاریگادا کاری کردووه‌و بردنیشی به‌ره‌و مان سیتی واتای ئه‌وه‌ ده‌به‌خشێت، که‌ چیتر له‌وه‌رزی داهاتوه‌وه‌ "سیتیزن" به‌شێوه‌ تاکتیکه‌ ئاساییه‌که‌ی گواردیۆلا یاریی ده‌که‌ن.

ئه‌م بابه‌ته 1077 جار خوێنراوه‌ته‌وه‌‌

PM:08:49:21/03/2016



Copyright 2015. xelk.org. All Rights Reserved.
Created by:kurdsky.com