به‌ ژماره‌ و داتا...راشفۆرد له‌ هێرشبه‌رانی ئینگلته‌را مه‌ترسیدار تره‌

به‌ ژماره‌ و داتا...راشفۆرد له‌ هێرشبه‌رانی ئینگلته‌را مه‌ترسیدار تره‌


خه‌ڵک

دوای ئه‌وه‌ی گۆڵی سه‌رکه‌وتنی له‌سه‌ر یانه‌ی مانچسته‌ر سیتی تۆمار کرد، میدیاکانی به‌ریتانیا تیشک ده‌خه‌نه‌ سه‌ر ئاستی مارکۆس ڕاشفۆردی ئه‌ستێره‌ی لاوی یانه‌ی مانچسته‌ر یونایتد.

گه‌وهه‌ره‌ ڕه‌ش ئه‌سمه‌ره‌که‌ی یونایتد توانی شه‌وی ڕابردوو له‌یاریگای "ئیتیحاد" گۆڵی یه‌کلاکه‌ره‌وه‌ی ڕووبه‌ڕوبونه‌وه‌که‌ تۆمار بکات که‌ گۆڵی ژماره‌ پێنجی ده‌کرد له‌کۆی هه‌شت یاریی به‌شداری تێدا کردووه‌ له‌کۆی پاڵه‌وانێتییه‌کان.

به‌پێی سه‌رچاوه‌کان، راشفۆر ڕێژه‌ی گۆڵکردنی له‌هه‌ریه‌ک له‌ هاری کینی هێرشبه‌ری تۆتنهام و جه‌یمی ڤاردی هێرشبه‌ری یانه‌ی لسیته‌ر سیتی به‌رزتره‌.

کین ٢٤ گۆڵی له‌ ٤٣ یاریی ئه‌م وه‌رزه‌دا تۆمار کردووه‌ که‌ ڕیژه‌ی ناوه‌ندی گۆڵکردنی له‌هه‌ر یارییه‌کدا ده‌کاته‌ (٠.٥٦)، هه‌روه‌ها ڤاردی (٠.٥٨) و دانێل ستۆریدج (٠.٥)، له‌به‌رامبه‌ردا ڕێژه‌ی ڕاشفۆرد ده‌گاته‌ (٠.٦٣) و به‌وشێوه‌یه‌ ده‌رده‌که‌وێت ئه‌گه‌ر هه‌لی ته‌واوی پێبدرێت له‌لایه‌ن ڤان گاله‌وه‌ ئه‌وا له‌داهاتودا له‌هه‌مووان کاریگه‌ر تر ده‌بێت.

ئه‌م بابه‌ته 483 جار خوێنراوه‌ته‌وه‌‌

PM:02:22:21/03/2016



Copyright 2015. xelk.org. All Rights Reserved.
Created by:kurdsky.com