پیكێ دیسانه‌وه‌ هێرشی کرده‌ سه‌ر ڕیاڵ مه‌درید!

پیكێ دیسانه‌وه‌ هێرشی کرده‌ سه‌ر ڕیاڵ مه‌درید!


خه‌ڵک

شه‌وی ڕابردوو یانه‌ی به‌رشلۆنه‌ له‌یاریگای مادریگال توانی به‌رامبه‌ر ڤیاڕیاڵ یه‌کسان بون تۆمار بکات و میدیاکانیش ره‌خنه‌ی زۆریان ئاراسته‌ی ناوبژیوانی یارییه‌که‌ کرد به‌وه‌ی یاریده‌ی زۆری یانه‌ که‌ته‌لۆنییه‌که‌ی داوه‌.

ئه‌م مه‌سه‌له‌یه‌ له‌لایه‌ن میدیاکانه‌وه‌ باسو خواسی له‌سه‌ربوو، به‌تایبه‌ت په‌ناڵتییه‌که‌ی نایمار ! ئه‌وه‌ی سه‌یربو له‌ڕووبه‌ڕوبونه‌وه‌ی ڕیاڵ مه‌دریدیش به‌رامبه‌ر یانه‌ی سڤیلیه‌ په‌ناڵتییه‌ک دروست بوو که‌ هیچ گومان له‌ دروستی په‌ناڵتییه‌که‌ نه‌ده‌کرا، به‌ڵام جێرارد پیکێ ڕا و بۆچونێکی جیاوازی هه‌یه‌ و له‌تۆڕی کۆمه‌ڵایه‌تی تویته‌ره‌وه‌ راسته‌وخۆ پاش خوله‌کێک له‌دروستبونی په‌ناڵتییه‌که‌ نوسی " ئه‌ی ئه‌مه‌یان واتای چییه‌؟".

به‌بۆچونی میدیاکان، به‌رگریکاره‌ که‌ته‌لۆنییه‌که‌ مه‌به‌ستی له‌وه‌بووه‌ که‌ په‌ناڵتییه‌که‌ی ڕیاڵ مه‌دریدیش دروست نه‌بووه‌و بۆچی میدیاکان به‌رده‌وام ره‌خنه‌ له‌ بلاوگرانا ده‌گرن؟! 

ئه‌م جوڵه‌یه‌ی به‌رگریکاره‌ ناوداره‌که‌ پاش ئه‌وه‌دێت که‌ چه‌ندینجار هێرشی کردۆته‌ سه‌ر ڕیاڵ و هه‌ڵبژارده‌ی ئیسپانیا و حاڵی حازر به‌وهۆیه‌وه‌ هانده‌رانی "لارۆخا" به‌رده‌وام فیکه‌بارانی ده‌که‌ن، پێده‌چیت ئه‌مجاره‌ش ئاگری جه‌نگه‌ لێدوانییه‌کان گه‌رم بکاته‌وه‌...

ئه‌م بابه‌ته 745 جار خوێنراوه‌ته‌وه‌‌

PM:02:11:21/03/2016



Copyright 2015. xelk.org. All Rights Reserved.
Created by:kurdsky.com