ڕیکێلمی و چاڤی بۆ یه‌که‌مجاره‌ به‌م شێوه‌یه‌ وه‌سفی مێسی ده‌که‌ن

ڕیکێلمی و چاڤی بۆ یه‌که‌مجاره‌ به‌م شێوه‌یه‌ وه‌سفی مێسی ده‌که‌ن


خه‌ڵک

هه‌ریه‌ک له‌ خوان سباستیان ریکێلمی و چاڤی هێرناندێز بۆچونی خۆیان سه‌باره‌ت به‌ ئاستی لیۆ مێسی ده‌رده‌بڕن و هه‌وادارانیان سه‌رسام ده‌که‌ن.

سه‌ره‌تا "ئه‌فسانه‌ خه‌واڵووه‌که‌" به‌ میدیاکانی که‌ته‌لۆنیا ڕاده‌گه‌یه‌نێت :" به‌رشلۆنه‌ی گواردیۆلا یان ئینریکی؟ به‌ڕای من مه‌سه‌له‌ په‌یوه‌ندی به‌ڕاهێنه‌رانه‌وه‌ نییه‌، به‌ڵکو هه‌مووی مێسییه‌، سه‌رده‌م سه‌رده‌می هاونیشتیمانه‌که‌مه‌ و هه‌ر ئه‌ویشه‌ وایکردووه‌ یانه‌که‌ به‌و ئاسته‌ به‌رزه‌وه‌ به‌رده‌وام بێت، به‌رشلۆنه‌ بۆ که‌س نییه‌ بۆ مێسییه‌".

پاشان چاڤی هێرناندێز له‌وه‌ڵامی پرسیارێکدا ده‌ڵێت :" ئه‌وه‌ی پێی وایه‌ من مێسیم دروست کردووه‌ له‌ناو یاریگادا هه‌ڵه‌ی کردووه‌، راستی ئه‌وه‌یه‌ مێسی منی دروست کرد، هه‌رچییه‌کی بوێت به‌ تۆپه‌وه‌ ده‌یکات، پێموایه‌ باشترین یاریزانه‌ له‌مێژووی تۆپی پێدا به‌بێ ڕکابه‌ر".

به‌وته‌ی دوو ئه‌ستێره‌ ناوداره‌که‌دا ده‌رده‌که‌وێت له‌کۆی چه‌ند ساڵی ئاڵتونی بلاوگرانا که‌ مێسی کاریگه‌ری له‌سه‌ر به‌رشلۆنه‌ هه‌بوبێت، نه‌ک به‌پێچه‌وانه‌وه‌ وه‌ک هه‌ندێک له‌شاره‌زایان باسی ده‌که‌ن.

ئه‌م بابه‌ته 875 جار خوێنراوه‌ته‌وه‌‌

PM:05:59:20/03/2016



Copyright 2015. xelk.org. All Rights Reserved.
Created by:kurdsky.com