دوای شکسته‌که‌ش نادال له‌خۆی ڕازییه‌و به‌رده‌وام ده‌بێت

دوای شکسته‌که‌ش نادال له‌خۆی ڕازییه‌و به‌رده‌وام ده‌بێت


خه‌ڵک

ڕافائێل نادالی ئیسپانی و ئه‌ستێره‌ی ناوداری تێنسی سه‌رزه‌وی، شه‌وی رابردوو له‌یاریی پێش کۆتایی پاڵه‌وانێتی ئیندیانا ویڵز به‌رامبه‌ر نۆڤاک جیۆکۆڤیچ شکستی هێنا و هێشتا ده‌ڵێت: به‌ره‌و دوا نه‌هاتوم.

ماتادۆره‌ ئیسپانییه‌که‌ به‌میدیاکانی راگه‌یاندووه‌ :" من هێشتا له‌ناو گۆڕه‌پانه‌که‌دام، ئاستم دانه‌به‌زیوه‌و به‌ره‌و دوا نه‌هاتوم، به‌وپه‌ڕی توانامه‌وه‌ هه‌وڵده‌ده‌م و رۆژ به‌ڕۆژ به‌ره‌وپیش ده‌چم، به‌ڵکو له‌و ئاسته‌ش رازیم که‌ له‌ئیندیانا ویلز پێشکه‌شم کردووه‌، به‌وشێوه‌یه‌ش به‌رده‌وام ده‌بم و به‌شداری له‌پاڵه‌وانێتی مه‌یامی ده‌که‌م".

به‌هۆی زنجیره‌یه‌ک پێکانه‌وه‌، نادال ماوه‌ی دوو وه‌رزه‌ ده‌ناڵێنێت و نه‌یتوانیوه‌ هیچ نازناوێکی گه‌وره‌ به‌ده‌ست بهێنێت، سه‌وی ڕابردوش نازناوی ئیندیانا ویڵزی له‌ده‌ستدا که‌ ده‌یتوانی به‌هۆیه‌وه‌ ١٠٠ خاڵ مسۆگه‌ر بکات.

ئه‌م بابه‌ته 676 جار خوێنراوه‌ته‌وه‌‌

PM:05:25:20/03/2016



Copyright 2015. xelk.org. All Rights Reserved.
Created by:kurdsky.com