یوڤی داوای بینتیکی ده‌کات و کلۆپ ده‌رگای لیڤه‌رپوڵ بۆ هه‌موان ده‌کاته‌وه‌

یوڤی داوای بینتیکی ده‌کات و کلۆپ ده‌رگای لیڤه‌رپوڵ بۆ هه‌موان ده‌کاته‌وه‌


خه‌ڵک

ئیداره‌ی یانه‌ی یوڤانتۆسی ئیتاڵی دووباره‌ داوای کریستیان بینتیکی هێرشبه‌ری یانه‌ی لیڤه‌رپوڵ ده‌کات و له‌به‌رامبه‌ردا یۆرگن کلۆپ ده‌رگای یانه‌که‌ به‌ڕووی سه‌رجه‌م یاریزانه‌کانیدا ده‌کاته‌وه‌.

به‌پێی سه‌رچاوه‌کان، ئیداره‌ی لیڤه‌رپوڵ ڕه‌زامه‌ندی ده‌ربڕیوه‌ به‌بڕی ٢٥ ملیۆن ڕێگه‌ به‌ بینتیکی بدات په‌یوه‌ندی به‌ یوڤانتۆسه‌وه‌ بکات، له‌به‌رئه‌وه‌ی چه‌ندینجار کلۆپ دووپاتیکردۆته‌وه‌ که‌ حه‌زی به‌شێوازی یارییکردنی هیرشبه‌ره‌ ڕه‌ش ئه‌سمه‌ره‌که‌ نییه‌، هه‌روه‌ها ده‌نگۆی ئه‌وه‌ هه‌یه‌ جۆردان ئه‌ندێرسۆنی کاپیتانۆش په‌یوه‌ندی به‌یانه‌یه‌کی تره‌وه‌ بکات، بۆیه‌ له‌م باره‌یه‌وه‌ یۆرگن کلۆپ ده‌ڵێت :" له‌ئێستادا هه‌موو شتێک به‌نسبه‌ت هێندێرسۆنه‌وه‌ باشه‌ و کێشه‌ی نییه‌، به‌ڵام هه‌ر یاریزانێک بیه‌وێت بڕوات ئێمه‌ ڕێگری ناکه‌ین، ئه‌مه‌ واتای ئه‌وه‌نییه‌ که‌ هێندێرسۆن ده‌بێت بڕوات، به‌ڵکو واتای ئه‌وه‌ی هه‌یه‌ هه‌ر یاریزانێک خۆشحاڵ نه‌بێت لای ئێمه‌ ئاساییه‌ ئه‌گه‌ر یانه‌یه‌کی تر بۆخۆی هه‌ڵبژێرێت، ئێمه‌ش یاریزانمان ناوێت به‌ئه‌قڵیه‌تێکی تره‌وه‌ به‌رده‌وام بیت له‌گه‌ڵماندا، هه‌میشه‌ له‌ دۆرتمۆپند ده‌ستبه‌رداری یاریزانه‌کانمان ده‌بوین و پلانی بی مان به‌کارده‌خست".

هه‌مان ئه‌و سه‌رچاوانه‌ی هه‌واله‌که‌یان بڵاوکردۆته‌وه‌ ته‌ئکید ده‌که‌نه‌وه‌، هاوینی داهاتو کلۆپ ده‌ستبه‌رداری چه‌ند یاریزانێک ده‌بێت و له‌جێگه‌یان یاریزانی به‌توانا و نوێ دابین ده‌کات.


ئه‌م بابه‌ته 365 جار خوێنراوه‌ته‌وه‌‌

PM:03:32:20/03/2016



Copyright 2015. xelk.org. All Rights Reserved.
Created by:kurdsky.com