زاخۆ بە په‌ناڵتییه‌کی گومانلێكراو خه‌ونی گه‌وره‌ی هه‌ولێری لەگۆڕ نا!

زاخۆ بە په‌ناڵتییه‌کی گومانلێكراو خه‌ونی گه‌وره‌ی هه‌ولێری لەگۆڕ نا!


مەسعود حەسەن

یانەی هەولێر نەیتوانی یارییە چارەنوسازەكە لە یانەی زاخۆ بباتەوە، كاتێك هەردوو یانەی رۆژی دووشەممە 29-2-2016 لە گروپی دووەمی خولی نایابی تۆپی پێی عێراق لە زاخۆ بەیەك گەیشتن و یاریەكەیش بەبردنەوەی یانەی زاخۆی خاوەن یاریگا كۆتایی هات.

لە گێمی یەكەمدا ئاستی هەردوو یانە لە یەكترەوە نزیك بوو، زیاتر تۆپ لە ناوەراستی یاریگا دەبینرا، جگە لە هێرشێكی مەترسیداری فەرحان شوكر هێرشبەری یانەی هەولێر بۆ سەر گۆلی یانەی زاخۆ، هێرشەكانی تر مەترسیدار نەبوون، هەوڵەكانی هەردوو یانە زیاتر لە دەرەوەی ناوچەی سزا بوو, نیوەی یەكەم بەبێ گۆڵ كۆتایی هات.

لە نیوەی دووەمدا بە سیناریۆی نیوەی یەكەم یارییەكە بەردەوامی هەبوو، راهێنەری هەردوو یانە چەند گۆرانكارییەكیان كرد، بەڵام یارییەكە تا خولەكەكانی كۆتایی بەردەوام بوو، یەك خولەك پێش كۆتایی هاتنی یارییەكە، ناوبژیوان عەلی سەباح لێدانی سزای گومانلێكراوی بۆ یانەی زاخۆ هەژمار كرد و یاریزانی لیبی (عەبدولسەلام ڤیتوری) توانی تاكە گۆڵی بردنەوە بۆ زاخۆ تۆمار بكات، بەم تاكە گۆڵە یارییەكە كۆتایی هات.

بەم شێوەیە یانەی زاخۆ سێ خاڵی گرینگی بەدەستهێنا و زیاتر لە گەیشتن بۆ قۆناغی داهاتوو نزیك بوەوە و یانەی هەولێریش خەونە گەورەكەی نەهاتە دی.

ریزبەندی گروپی دووەم بەم شێوەیە:
1-قوە جەویە  33 خاڵ
2-مینا 29 خاڵ
3-زاخۆ 28 خاڵ
4-بەغداد 27 خاڵ
5-شورتە 26 خاڵ
6-هەولێر 23 خاڵ

ئه‌م بابه‌ته 4493 جار خوێنراوه‌ته‌وه‌‌

PM:10:27:29/02/2016



Copyright 2015. xelk.org. All Rights Reserved.
Created by:kurdsky.com