تایكواندۆی هەولێر وەرزش بۆ ئاشتی دەكەن

تایكواندۆی هەولێر وەرزش بۆ ئاشتی دەكەن

 
زاگرۆس نانەكەلی

وا بڕیارە رۆژی هەینی رێكەوتی 5/2/2016 لە هۆڵی سەنتەری بلووی شاری هەولێر یەكێتی تایكواندۆی لقی هەولێر بە هاوكاری سەنتەری گەنجان و لەژێر دورشمی وەرزش بۆ ئاشتی،پاڵەوانیەتی تایكواندۆی لاوان بۆ هەردوو ئاستی كوڕان وكچان بەرێوە دەچێت.

هاوینە عەبدولرەحمان سەبارەت بەم پاڵەوانیەتییە ووتی: بۆ دەربازبوون لەقەیرانی وەرزشی وكۆكردنەوەی لاوانی شارەكەمان و دووبارە ئەكتیڤ كردنەوەی یاری تایكواندۆ لە شاری هەولێر، یەكێتیەكەمان بەهاوكاری سەنتەری گەنجان هەڵسیان بۆ كردنەوەی ئەم پاڵەوانیەتییە،چونكە لە كاتی ئێستادا زۆر گرنگە بتوانین خۆراگربین و پشت بەخۆمان ویاریزانەكان و راهێنەرەكان و پسپۆڕانی ئەو یارییە ببەستین، چونكە یەكێتیەكەمان وویستی كاراكردنی ئەم یارییە لە كوردستان.

هاوینە وتی: تا ئێستا یانەكانی (برایەتی وهەولێر وهەندرێن وئافرەتانی هەولێر) بەفەرٍمی بەشداربوونی خۆیان راگەیاندووە،كەتا رۆژی پێنج شەممە خۆی دەگاتە (10) یانەی بەشداربوو،بێگومان لەسەر ئاستی كوڕان وكچان بۆ لاوان،هەروەها پاڵەوانیەتییەكە یەم رۆژ دەخایەنێ ئێوارەی هەینی یارییەكان بەكۆتا دێت، لەكۆتایش خەڵات بەسەر تیپ ویاریزانە براوەكان دابەشدەكرێت،پاشان چەند كەسایەتێكی تایكواندۆ ونابژیوانان ویاریزانەكان بڕوانامەی بەشداربوویان پێ دەبەخشرێت.

ماوەتەوە بڵێین تەنها یانەی ئافرەتانی هەولێر لەسەر ئاستی كچان بەشدارە  وسەرجەم یانەكانی تر لەسەر ئاستی كوڕان وكچان بۆ لاوان بەشدارن،هەروەها بۆ (5) كێشی ئۆلۆمپی بەشدارن و لەسەر ئاستی تاكی وتیپی.

ئه‌م بابه‌ته 1481 جار خوێنراوه‌ته‌وه‌‌

PM:03:39:04/02/2016



Copyright 2015. xelk.org. All Rights Reserved.
Created by:kurdsky.com