كورسی سەرۆكایەتی
       
كورسی سەرۆكایەتی

خەڵك-

ڕۆمانی "كورسیی سەرۆكایەتی"، كە لە نووسینی نووسەری بەناوبانگی مەكسیكی (كارلۆس فوینتس)ە و لە لایەن هەڵكەوت عەبدوڵا بۆ سەر زمانی كوردی  وەرگێڕدراوە. 

لە پشتی كتێبەكە ئەم چەند دێڕەی لای خوارەوە نووسراوە، هیوادارم هەمووتان، بەتایبەتی سیاسەتمەدارانی كوردستان، بیخوێننەوە و سوودی لێ وەربگرن.

"بۆ ئەوەی سیاسەتمەدار بیت، دەبێت دووڕوو بیت، بۆ ئەوەی بەرەو پێشەوە بچیت، هەموو شتێك ڕێگە پێ دراوە، نابێت تەنیا درۆزن و دەستبڕ بیت، بەڵكو پێویستە تەڵەكەبازیش بیت، هەر سیاسەتمەدارێك بەرەو سەرەوە هەڵكشێت، زۆر ئێسكەپەیكەر بەدوای خۆیدا ڕادەكێشێ، وەك ئەو قوتووانەی كۆكا كۆلا، كە بە كلكی پشیلەیەكی یاخی و ترساوەوە بەستراون."

لە ڕۆمانی "كورسیی سەرۆكایەتی"،  نووسەری مەكسیكی كارلۆس فوینتس، شێكردنەوەیەكی دەروونی و فیكری بۆ گەورە ڕكابەرانی حوكمڕانی و شێوازەكانی دەسەڵات گرتنە دەست دەخاتەڕوو و قێزەونی بارودۆخی سیاسی لە وڵاتە تازە پێگەیشتووەكاندا ڕیسوادەكات، كە هەموو شتێك لە كورسی دەسەڵات و شێوازی گەیشتنە ئەو كورسییەدا بەرجەستە دەبێت.

كارلۆس فوینتس، پێی وایە، لەم جۆرە وڵاتانەدا بوونی حیزبەكان و دیموكراسی بایەخێكی ئەوتۆی نییە، چونكە مەسەلەی حوكمڕانی بەدەست كۆمەڵێك بڕیارسازەوەیە، كە نوێنەرایەتیی باڵەكانی دەسەڵات دەكەن و لەنێوان خۆیاندا ڕیك دەكەون كێ لەسەر كورسیی سەرۆكایەتی دانیشێت.

ئەمریكای لاتین بە سەرچاوەی "ئەدەبی یاخی بوونی شۆڕشگێڕانە" دادەنرێت و تیایدا نووسەری وەك ماركیزی تیادا هەڵكەوتووە، كە هەمیشە قسەكانی یاخی بوون بووە، نەك تەنیا بۆ گۆڕینی حوكمڕانەكان لەلایەن ئەو میلەتەی دووچاری چەوساندنەوە و ستەمی ئەوان بوون، بەڵكو بۆ گۆڕینی هەلومەرجی دواكەوتن و دابوونەریتە پاشكەوتووەكان، بۆ شادبوون بە ئازادی

AM:10:56:09/03/2016

ئه‌م بابه‌ته 2377 جار خوێنراوه‌ته‌وه‌‌
زیاتر ...
Copyright 2014. xelk.org. All Rights Reserved.
Created by:kurdsky.com