هاوپەیمانان 15 هێرشی دیكەیان كردەسەر داعش

هاوپەیمانان 15 هێرشی دیكەیان كردەسەر داعش


خەڵك- بەشی هەواڵ

ناوەندی هێزەكانی هاوپەیمانان رایگەیاند، لە ماوەی دوو رۆژی رابردوودا 15 هێرشی ئاسمانیان كردۆتەسەر داعش لە عێراق و سوریا.

لە بەیاننامەیەكدا ناوەندی هێزەكانی هاوپەیمانان باسی لەوەكردووە، 13 هێرش لە عێراق كراونەتەسەر داعش، بەبێ‌ ئەوەی ئاماژە بە شوێن و زیانەكان بكات.

هەر بەپێی بەیاننامەكە، دوو هێرشی دیكەیش لە سوریا كراونەتەسەر بنكەكانی داعش.

بەردەوامی هێرشەكانی هاوپەیمانان لە عێراق و سوریا لەكاتێكدایە كە داعش لە چەند بەرەیەكەوە شەڕ لە دژی چەند گروپ و دەوڵەتێك دەكات، بەتایبەتی حكومەتی عێراق و حەشدی شەعبی و هێزە چەكدارەكانی سەر بە حكومەتی سوریا.


ئه‌م بابه‌ته 545 جار خوێنراوه‌ته‌وه‌‌

AM:11:32:23/03/2016