پارێزگار، قائیمقامێك لە پۆستەكەی درووردەخاتەوە

پارێزگار، قائیمقامێك لە پۆستەكەی درووردەخاتەوە


خەڵك ــ بەهمەن محەمەد

قائیقامی داقوق بەشیوەیەكی فەرمی دەستنیشانكرا و سوێندی یاسایی خوارد، دەشڵێت: "بەنوسراوی نەجمەدین كەریم وەك قائیمقامی شارۆچكەی داقوق دیاریكراوم".
 
سەرەتای ئەم هەفتەیە، نەجمەدین كەریم ؛پارێزگاری كەركوك؛ لەسەر داوای زۆرینەی ئەندامانی ئەنجومەنی شارۆچكەی داقوق، ئەحمەد حەسون ئەلعزی ؛قائیمقامی شارۆچكەكە؛ی لەكار لابرد و لویس فەندی ؛بەڕێوبەری شارەدێی ڕەشادی ‌بەوەكالەت؛ لە شوێنەكەی دانا، ئەمڕۆش بە فەرمی قائیمقامی نوێ سوێندی یاسایی خوارد و لە سبەینێوە دەستبەكاردەبێت.
 
لویس فەندی ؛بەڕێوبەری شارەدێی ڕەشاد؛ كە بۆ چەند ڕۆژێك ‌بەوەكالەت پۆستی قائیمقامی داقوقی وەرگرتبوو، بە (ڕۆژنیوز)ی وت: "بەنوسراوی نەجمەدین كەریم بەندە وەك قائیمقامی شارۆچكەی داقوق بەوەكالەت دیاریكراوم، ئەحمەد حەسون ئەلعزی ؛قائیمقامی پێشووش؛ بەفەرمی لەسەركار لابرا".
 
ناوبراو، وتیشی: "هۆكاری لابردنی قائیمقامی پێشوو خاڵێكی سەرەكی نەبوونی بڕوانامەیە،‌ كە ئەنجومەنی شارۆچكەی داقوق داوای لابردنی ناوبراویان كردووە".
 
لەلایەكی دیكەوە، دكتور ئەمیر خواكەرەم ؛سەرۆكی پێشوی ئەنجومەنی  شارۆچكەی داقوق؛ ئەمڕۆ بە فەرمی كرایە قائیمقا‌می نوێی ئەو شارۆچكەیە.
 
ئەمیر، بە هەمان ماڵپەڕی ڕاگەیاندووە، ئەمڕۆ بەشێوەیكی فەرمی لە دادگای كەركوك سوێندی یاسایم خوارد و پۆستی قائیمقامی داقوقم وەرگرت.
 
ئەمیر خواكەرەم، وتیشی: "سبەینێ بەسیفەتی قائیمقامی نوێی شارۆچكەی داقوق دەست بەدەوام دەكەم و پۆستەكە لە ‌لویس فەندی وەردەگرم".


ئه‌م بابه‌ته 986 جار خوێنراوه‌ته‌وه‌‌

PM:08:42:22/03/2016