لەڕۆژانی جەژنی نەورۆز تەنها یەك ڕووداوی هاتوچۆ هەبووە

لەڕۆژانی جەژنی نەورۆز تەنها یەك ڕووداوی هاتوچۆ هەبووە


خەڵك- بەشی هەواڵ

بەڕێوەبەرایەتی هاتوچۆی پارێزگای سلێمانی سەركەوتنی پلانی هاتوچۆی ڕۆژانی نەورۆز ڕادەگەیەنێت و جەختیشدەكاتەوە، كە لەو ڕۆژانەدا تەنها یەك ڕووداوی هاتوچۆ تۆمار كراوە، ئاشكراشی دەكات، ڕووداوەكانی هاتوچۆ كەمیان كردووە.

ڕائدی هاتوچۆ كاروان محەمەد صدیق ؛وتەبێژی ڕاگەیاندنی هاتوچۆی پارێزگای سلێمانی؛ ئەمڕۆ سێ‌ شەممە لە كۆنگرەیەكی ڕۆژنامەوانیدا ئاماری ڕووداوەكانی هاتوچۆ و ژمارەی بریندارەكانی خستە ڕوو، كە لە ڕۆژانی نەورۆز تۆمار كراون.

ڕاشیگەیاند، كە پلانی هاتوچۆ بۆ ڕۆژانی نەورۆز سەركەوتوبووە، بە جۆرێك تەنها یەك ڕووداوی هاتوچۆ تۆمار كراوە، كە دوو برینداری لێ كەوتۆتەوە.

وتیشی: "بەرێوەبەرایەتی هاتوچۆ لە سەركەوتنی پلانەكەدا توانیویەتی سوود لە توانای نزیكەی 600 ئەفسەر و ڕێگە پێدراو و كارمەندی هاتوچۆ وەربگرێت، هەروەها بۆ كۆنتڕۆڵكردنی ڕەوشی هاتوچۆ سوودی لە تیمەكانی فڕۆكەوانی و ڕاگەیاندن و كامێراكانی چاودێری و كۆنتڕۆڵی هاتوچۆ (ژمارە 188) وەرگرتوە" .

جەختیشی كردەوە، بە بەراورد بە ساڵی پار ڕووداوەكانی هاتوچۆ زۆر كەمی كردووە.


ئه‌م بابه‌ته 539 جار خوێنراوه‌ته‌وه‌‌

PM:07:40:22/03/2016