لە بەغداد، هێرش دەكرێتە سەر حەشدی شەعبی

لە بەغداد، هێرش دەكرێتە سەر حەشدی شەعبی


خەڵك – بەشی هەواڵ

لە باشوری شاری بەغدا هێرشدەكرێتە سەر حەشدی شەعبی و چەند چەكدارێك بریندار دەبن.

بەپێی سەرچاوەكانی هەواڵ، بەیانی ئەمڕۆ لەڕێگەی بۆمبی چێندراوەوە هێرشكراوەتە سەر كاروانێكی چەكدارانی حەشدی شەعبی و ژمارەیەك چەكدار بریندار بوون، بەڵام هیچ ئاماژەیەك بە كوژران نەدراوە.

بەپێی سەرچاوەكان، هێرشەكە لە ناوچەی ڕەشید لە باشوری بەغداد ڕویداوە، ئەوەش یەكەمجارە بەو جۆرە لەناو بەغدا هێرشبكرێتە سەر چەكدارانی حەشدی شەعبی.

هاوكات هەر ئەمڕۆ گروپێكی چەكدار هەڵیانكوتاوەتە سەر ماڵی بازرگانێك لە بەغدا و دوای بە بارمتەگرتنی ئەندامانی خێزانەكە، بڕە پارەیەكی زۆریان بردووە.

لەگەڵ خۆپیشاندان و ناڕەزاییەكان، ڕەوشی ئەمنیش لە بەغداد بەرەو ئالۆزی دەچێت و لایەنە شیعەكانیش متمانە بە سوپا ناكەن و لەڕێگەی حەشدی شەعبییەوە لەهەوڵی كۆنتڕۆڵكردنی ڕەوشەكەدان.


ئه‌م بابه‌ته 410 جار خوێنراوه‌ته‌وه‌‌

PM:05:09:22/03/2016