وردەكاری كۆبوونەوەی ئەمڕۆی حكومەتی عیراق ئاشكراكرا

وردەكاری كۆبوونەوەی ئەمڕۆی حكومەتی عیراق ئاشكراكرا


خەڵك – بەشی هەواڵ

ئەنجومەنی وەزیرانی عێراق كۆبۆوە و جگە لە پێداگری لە چاكسازی داوا لە هێزە ئەمنییەكان كرا خۆپیشاندەران بپارێزن.

بەپێی ڕاگەیەندراوێكی نوسینگەی سەرۆك وەزیرانی عێراق، ئەمڕۆ سێ شەممە ئەنجومەنی وەزیرانی عێراق كۆبۆوە و لە كۆبوونەوەكەدا جەخت لە ڕووبەڕووبوونەوەی گەندەڵی و چاكسازی ئیداری كرایەوە.

هەر لەو كۆبوونەوەیەدا داوا لە هێزە ئەمنییەكان كرا خۆپیشاندەران بپارێزن و ڕێز لە مافی داواكاریی ئاشتیانەی خۆپیشاندەران بگرن.

داواشیان لێ كرا، چاودێری موڵك و ماڵی دەوڵەت بكەن و ڕێگە نەدەن خۆپیشاندانەكان بۆ مەرامی تایبەت بەكاربهێندرێت و ڕەوشەكە لە كۆنتڕۆڵ دەربچێت.

بەهۆی گەندەڵی و نەبوونی خزمەتگوزارییەوە شەپۆلێك ناڕەزایی تووند بەغدادی پایتەختی عێراقی گرتووەتەوە و حكومەتیش بڕیاریداوە گۆڕانكاری وەزاری ئەنجام بدات و وەزیرە نوێیەكانی لە كەسانی تەكنۆكرات هەڵبژێرێت.


ئه‌م بابه‌ته 468 جار خوێنراوه‌ته‌وه‌‌

PM:03:58:22/03/2016