داعش بەرپرسیارێتی لە تەقینەوەكەی برۆكسل ڕاگەیاند

داعش بەرپرسیارێتی لە تەقینەوەكەی برۆكسل ڕاگەیاند


خەڵك ــ بەهمەن محەمەد

لە تەقینەوەكانی برۆكسلی پایتەختی بەلجیكا 34 كەس كوژران و 135 كەسی دیكەش برینداربوون، ڕاگەیاندنەكانی برۆكسلیش دەڵێن: تەقینەوەكان لەسێ‌ شوێنی جیاواز كراون"، ڕێكخراوی تیرۆرستی داعش- بەرپرسیارێتی خۆی لە تەقینەوەكان ڕادەگەیەنێت.

كەناڵی (ئاڕ بی تی ئف) بڵاویكردەوە، لە تەقینەوەكانی بڕۆكسلی پایتەختی بەلجیكا 34 كەس كوژران و 135 كەسی دیكەش برینداربوون، تێرۆریستان فرۆِكەخانەی بڕۆكسل-یان كردۆتە ئامانج  بەتایبەت دەرگای ڕۆیشتنی گەشتیاران بۆ ئەمریكا.

تەلەفزیۆنی بەلجیكاش لەزاری شایەت حاڵانی ڕووداوەكەوە گواستویەتییەوە، كە تەقینەوەكە لەناو هۆڵی چاوەڕوانی گەشتیاراندا ڕوویدا لە فڕۆكەخانەی برۆكسل.

هەروەها دوو تەقینەوەكەی دیكەش لە نێو هۆڵی چاوەڕوانی سكەی شەمەندۆفێر ڕوویداوە.

دوای تەقینەوەكەش ڕێكخراوی تێرۆریستی داعش بەرپرسیاریەتی خۆی لە تەقینەوەكە ڕاگەیاندووە، كە لەڕێگای  (ئالێكسی دۆفباش)ی تەمەنی 27 ساڵانەوە ئەنجامدراوە، خۆكوژەكەش لەسوریا مەشقی پێكراوە و پاشان گەڕاوەتەوە بۆ ئەوروپا.



ئه‌م بابه‌ته 533 جار خوێنراوه‌ته‌وه‌‌

PM:03:18:22/03/2016