ئەنجومەنی باڵا: عەبادی توانای گۆڕینی بەرپرسانی نییە

ئەنجومەنی باڵا: عەبادی توانای گۆڕینی بەرپرسانی نییە


خەڵك-دڵشاد حەمە

وتەبێژی ئەنجومەنی باڵای شۆرشی ئیسلامی، سەرۆك وەزیرانی عێراق بە بێتوانایی لە گۆڕینی بەرپرساندا تۆمەتبار دەكات و دەڵێت، چاكسازییەكەی عەبادی تەنها گۆڕینی چەند كەسێكە بە كەسانی دیكەی وەك ئەوان.

بەلیغ ئەبو كەلەل، وتەبێژی ئەنجومەنی باڵای شۆرشی ئیسلامی لە بەرنامەیەكی راستەوخۆی كەناڵی (دیجلە) وتی: حەیدەر عەبادە ناتوانێت چەند بەرپرسێكی حكومی لە پۆستەكانیان لابەرێت، لە نێویاندا ئیبراهیم جەعفەریی وەزیری دەرەوە، كەسەرۆكی پێشووی حزبەكەی عەبادییە.

ئەوەشی راگەیاند: چاكسازییەكانی عەبادی هیچ لە مەسەلەكان ناگۆڕێت، چونكە پۆستەكان وەك جاری پێشوو بە پێی رێكەوتن بەسەر حزبەكاندا دابەش دەكرێنەوە و ئەوەش تەنها گۆڕینی چەند كەسێكە بە كەسانی وەك ئەوان، نە زیاتر.

وتەبێژی ئەنجومەنی باڵای شۆرشی ئیسلامی، نەیشاردەوە كە عەمار حەكیمی رابەری ئەنجومەنی باڵای شۆرشی ئیسلامی، نیگەرانە لە حەیدەر عەبادی لەبارەی ئەوەی ئەوەی كە دەیڵێت، ناتوانێت جێبەجێی بكات.


ئه‌م بابه‌ته 440 جار خوێنراوه‌ته‌وه‌‌

PM:11:42:21/03/2016