تەقینەوەیەك سوپای عێراقی لە مەخمور كردە ئامانج

تەقینەوەیەك سوپای عێراقی لە مەخمور كردە ئامانج

خەڵك- ئامەد حەسەن

ئەمڕۆ دوو شەممە، سێ‌ ئەندامی هێزە ئەمنییەكانی عێراق كوژران  و بریندار بوون بەهۆی تەقینەوەیەكەوە، كە بارەگای ئەو هێزانەی لە مەخمور كردە ئامانج.

سەرچاوەیەك بە مەداپرێس-ی راگەیاندووە، هێرشەكە بەهۆی خۆكوژێكەوە بووە  و بارەگای سەربازی هێزە عێراقییەكانی كردۆتە ئامانج .

وتیشی :"بەهۆیەوە سەربازێك كوژراوە و دووی دیكەش بریندار بوون".

هەروەها هێزە ئەمنییەكانی عێراق لە سەرەتای ئەم هێرشەدا، توانیویانە، كە 5 چەكداری خۆكوژی دیكەی داعش بكوژن، كە هەوڵی نیزیكبوونەوەیان دەدا لە بارەگای فیرقەی 15ی سوپای عێراق لە مەخمور.
 

ئه‌م بابه‌ته 380 جار خوێنراوه‌ته‌وه‌‌

AM:10:23:21/03/2016