عادل عەبدول مەهدی: عێراق سێیەم هەناردەكاری نەوتە
       
عادل عەبدول مەهدی: عێراق سێیەم هەناردەكاری نەوتە

سلێمانی- نزار جەزا

 وەزیری نەوتی عیراق، ڕایگەیاند، عیراق سێیەمین هەناردەكاری جیهانە، ئەگەر حساب بۆ بەرهەمهێنانی نەوت لەمانگی 12 ی ساڵی ڕابردوو بكەین.

عادل عەبدول مەهدی لە میانەی بەشداریكردنی لە دیداری سلێمانی ئەمڕۆ پێنج شەممە، وتی:"تەنها لەباشور 3 ملیۆن بەرمیل نەوت لەڕۆژێكدا دەفرۆشرێت، كە لەم ماوەیەدا زیاتریش بووە، كاتێكیش سەیری ئەو بەرهەمی كوردستان بكەین، دەبینین عیراق وەك دەوڵەتێك كاریگەری باشی هەیە و دەتوانێت كاری باش بكات".

باسی لەوەشكرد، ئەگەر نرخی نەوت بۆ 10 دۆلاریش دابەزێت، ئەوا عیراق دەتوانێت نەوتی خۆی بفرۆشێت و قازانج بكات.

ئاماژەی بەوەشدا، ئەم قەیرانە داراییەی ئێستا هەیە، عەیبەی خۆمان پیشاندەدات كە دەبێت گۆڕانكاری بكەین، دیارە نزیكەی 7 ملیۆن موچەخۆر هەیە، كە ژمارەیەكی زۆرە.

جەختی لەوەشكردەوە، چاوەڕێناكرێت نرخی نەوت وەك پێشوو بۆ زیاتر لە 100 دۆلار بەرزبێتەوە، بەڵكو لەنێوان 50 بۆ 60 دۆلار بەرزدەبێتەوە.

AM:10:12:17/03/2016

ئه‌م بابه‌ته 1062 جار خوێنراوه‌ته‌وه‌‌
زیاتر ...
Copyright 2014. xelk.org. All Rights Reserved.
Created by:kurdsky.com